METRO MANILA – Sumaka ha 2.4 percent an headline inflation han nasud dida han Pebrero 2026, tikang ha 2.0 percent dida han Enero ngan mas hitaas kumpara ha 2.1 percent ha kaparehas nga bulan dida han 2025.
Sumala ha Philippine Statistics Authority, nagpapabilin la gihapon ini ha sakob han forecast range han Bangko Sentral ng Pilipinas nga 2.3 percent kutob 3.1 percent.
An average inflation tikang Enero kutob Pebrero in aada ha 2.2 percent, mas hamubo ha BSP target nga 3.0 percent para ha bug-os nga tuig, pero sakob la gihapon ha tolerance range nga 1.0 percent point.
Sumala ha PSA, an hataas nga presyo han pagkaon an pangunahon nga nagduso ha paghitaas han inflation, partikular ha utanon, isda, ngan seafood nga naapektaran han weather-related distruptions ngan closed fishing season. Huminay naman an paghamubo han presyo han bugas mahitungod ha tighter supply conditions mahuman an import restrictions dida han urhi nga parte han 2025 ngan presente nga lean season.
Humitaas gihapon an inflation para ha non-food items sugad han housing, water, ngan electricity, gas ngan iba pa nga lana, pati na gihapon ha restaurants ngan accommodation services.
Sumala ha BSP, magpapabilin nga mabantayon an Monetory Board ngan padayon nga mabase ha mga maulpot nga datos. Ginbabantayan gihapon an BSP an developments ha Middle East, labi na nga an epekto han paghitaas han presyo han oil ha mas haluwag nga price pressures.
