-- Advertisements --
TACLOBAN CITY- Naugbaw an maabot ha 17 nga panimalay ha Purok 2, Brgy. 11, Catbalogan City, ka kulop nga adlaw.
Sumala kan Fire Senior Inspector, Walter Magbutay, Acting City Fire Marshal han BFP Catbalogan City, nga nagtikang an kalayo ha panimalay ni Ceasar Petale, kahuman in nagsarang na ine ha ira sapit nga mga kabablayan.
Subay ha ira gindumara nga inisyal nga imbestigasyon, maabot ha 12 nga panimalay an totally damage, samtang 5 naman an partially damage, ngan 22 nga mga pamilya an apektado hine, kun diin gindeklara ine ha 3rd alarm an mao nga sunog.
Ginbabana-bana naman nga maabot ha P1-M an danyos nga ginbayaan han nasabi nga insidente.
Hapagkayana, padayon pa nga gin-iimbestigaran han mga BFP- Catbalogan an rason han mao nga sunog.
