INTERNATIONAL – Dire maubos ha 16 nga kasundaluhan an namatay ha nahitabo nga suicide bombing ha Khyber Pakhtunkhwa, Pakistan dida han Sabado, ngan nahipatik nga sobra 20 katawo, kaupod an mga sibilyan ha nasamaran.
Subay ha report, gin angkon han usa nga grupo tikang ha Pakistan Taliban (TTP) an pagbaton ha pag-atake, kun diin usa nga suicide bomber an bumunggo ha sarakyan nga mayda kaupod nga bomba.
Bisan man kun gin angkon han grupo an nahitabo, gin akusahan han Pakistan an India nga may kalabutan ha pag-atake, pero maduon ine nga diwara han India, ngan gintawag an pahayag han Pakistan nga waray basaranan.
Nahibaruan naman nga an pag-atake in kaparte han padayon nga paghitaas han kamadarahog ha mga rehiyon han Pakistan nga harani ha Afghanistan, nga gintutudlok han Islamabad kumo kaparte han pag-suporta han Taliban ha mga terorista nga grupo kontra ha Pakistan.
