-- Advertisements --
TACLOBAN CITY – Andam na para ha ikaduha nga hugna ha pag-implementar han limited face to face classes an maabot 157 nga mga eskwelahan ha Eastern Samar.
Sumala kan Abner Aclao, tagapagyakan han DepEd Eastern Samar Division, igba-validate nala han division’s office an nasabi nga mga eskwelahan agud makapagpartisipar han face to face classes ha masunod nga mga adlaw.
Diri pa naman hira makakapaghatag hin eksakto nga ihap han mga estudyante nga mapartisipar ha pagdudumaraon nga face to face classes matungod nabasi la daw hira ha enrollment.
Mababaruan nga ha ngatanan nga mga division office han DEPED ha rehiyon 8, an Eastern Samar an mayda pinakadamo nga natugutan ha pag-implementar han limited in-person classes.
