TACLOBAN CITY – Maabot ha 15 nga mga Overseas Filipino Workers (OFW) ha Sinirangan Bisayas tikang ha nasud Kuwait an nakatagamtam han repatriation program han gobyerno.
Sumala kan Katrina Obejera, Labor Communication Officer han Overseas Workers Welfare Administrarion Regional Welfare Office 8 (OWWA 8) nga ha mao nga programa in nakakarawat hin P20,000 nga livelihood assistance ngan sugad man P5,000 nga financial assistance.
An mao naman nga financial assistance in kaparte gihapon han amnesty program han OWWA kun diin panuyo hini nga mabuligan adton mga OFWs nga nakakaeksperyensya hin problema ha nasud Kuwait ngan sugad man mabuligan nga makauli dinhi nasud.
Samtang, ginpahayag gihapon ni Obejera nga padayon an ira regular nga mga programa para ha mga OFWs sugad han education training program, scholarship para ha mga kabataan ngan sugadman ginbubuligan gihapon nira an pamilya han mga OFW nga diri nacocontact ha nasud nga ira ginkadtuan.
