Plano yana han Senado nga ibanan hin 15% ngada ha 20% an pondo han Department of Public Works and Highways (DPWH) nga nakaalutaga unta para ha mga infrastracture funds han ahensya para ha tuig-2016.
Sumala kan Senate President Vicente ‘Tito’ Sotto III, an plano nga pag-iiban in ira na napaghingadayan ni Committee on Finance Chairperson Sen. Sherwin Gatchalian.
Dugang pa ni Sotto, nakatalaan nira ibanan an pondo han kada proyekto han DPWH ha butnga han mga nasabi nga porsyento mahitungod ha daw overpricing nga nakit-an ha mga nakalabay nga proyekto han ahensya.
Ine in mahuman nga mabuyagyag an mga overpricing han mga district engineers ngan pira nga opisyal nga amu pa an nagbabayad daw han mga ‘proponents’.
Usa ha pananglitan hine an napansin ni Gatchalian nga P10.3 bilyon nga kantidad han mga farm-to-market road projects nga nagtikang hadton mga nakalabay nga tuig han 2023 kutob 2024.
Kasunod hine in nanawagan gihapon an Senador nga magdumara hin imbestigasyon kasumpay ha mga super health centers kun diin 300 hine an nahibaruan nga non-operational.
Samtang, nakatalaan naman nga igpasa han Senado an committee reports tikang ha nagin Senate Blue Ribbon Committee ha Department of Justice (DOJ), Independent Commission for Infrastructure (ICI), ngan magin ha Office of the Ombudsman.
