ODD – Usa nga alaga nga manok ha Texas, USA nga nag ngangaran hin Pearl an opisyal nga ginkilala han Guinness World Records kumo “world’s oldest living chicken” ha edad nga 14.
Sumala ha tag-iya nga hi Sonya Hull, usa nga residente han Little Elm, Texas, hi Pearl in igin anak dida han Marso 13, 2011.
Ginkumpirma han Guinness an edad ni Pearl dida han May 22, nga usa nga kakaiba nga kadaugan para ha usa nga Easter-Egger hen nga kaurugan nabubuhi la hin lima ngada ha walo katuig.
Mahitungod han iya kalagas, limitado na an paggios ni Pearl.
Mahilig daw gihapon hi Pearl nga makiupod ha iba pa nga alaga han pamilya, kaupod na an ira misay.
Bisan man kun huminay an iya pamunay, usa nga sorpresa an iginhatag ni Pearl han mamunay hiya utro mahuman an opisyal nga pagkilala ha iya han Guinness World Records.
