NATIONAL NEWS– Presente an kabug-usa nga nga 13 nga senador ha gindumara nga roll call ha pag-aabre han special session han Mataas nga Kapulungan han Kongreso yana nga Miyerkules, Hunyo 17.
Nagin dalan ine para igdeklara an quorum ha kapulungan.
Umatinder ha sesyon an mga senador nga kaalyado Senador Sherwin Gatchalian kalakip na hira Senador Juan Miguel Zubiri, Bam Aquino, Vicente Sotto III, Panfilo Lacson, JV Ejercito, Risa Hontiveros, Kiko Pangilinan, Lito Lapid, Erwin Tulfo, Raffy Tulfo, sugadman hi si Sen. Francis Escudero nga bumalhin tikang ha Cayetano bloc.
Nakadto gihapon ha sesyon hi Senador Joel Villanueva nga nagin dalan para mabug-os an 13 nga ihap para matudlok an bag-o nga liderato han Senado.
Samtang waray naman umatinder an iba pa nga senador nga kaalyado ni Senador Alan Peter Cayetano.
