-- Advertisements --
TACLOBAN CITY – Maabot ha 13 nga panimalay an naugbaw mahuman nga dagmit nga maglarab an kalayo ha Brgy. San Pablo, Catbalogan City.
Sumala kan Senior Inspector Walter Magbutay, Acting City Fire Marshal Catbalogan City, nga maabot naman ha 19 nga pamilya an apektado han mao nga sunog matungod nga may pira nga panimalay nga 2 ngada 3 kapamilya an mga naukoy.
Dugang pa han mao nga opisyal, nga tanan in totally damage matungod nga himo an mga ine ha light materials sanglit nga has sulod han 30 ka minutos in naugbaw dayon an mga ine.
Ginbabana-bana naman nga maabot ha P1.95 million an ginbayaan nga danyos han nasabi nga sunog.
Hapagkayana, padayon pa an gindudumara nga imbestigasyon han mga otoridad kasumpay ha nagin hinungdan han mao nga sunog.
