-- Advertisements --
TACLOBAN CITY — Nagpapabilin la gihap nga unpassable ha tanan nga klase hin sarakyan an kalsada ha may Brgy. Pancho Villa ha Sogod Southern Leyte tungod han mga dagko nga gutak nga nakitan dinhi.
Sumala kan Ma.Margarita Junia, Southern Leyte DPWH district engineer, nga tungod han masukot nga pagbay-og ngan pag inuran in nagkamay-ada hin dagko nga gutak an mao nga kalsada.
Dugang pa hini nga may nasipatan nga halarom nga gutak ha may bukid nga parte han kalsada nga ha napopondohan na hin tubig nga possible nga magresulta hin landslide.
Samtang, nagpatuman na hin force evacuation an LGU han Sogod ha 12 nga pamilya nga nag uukoy ha Brgy. Pancho Villa tungod ha hulga hin posible nga landslide.
