PALO, LEYTE – Patay an usa nga bata nga lalaki mahuman nga malumos ha salog han Brgy. Arado, Palo, Leyte dida han nakalabay nga adlaw, Marso 22.
Sumala kan Palo Municipal Police Station Chief of Police, PCpt. Fidel Triste, nakakarawat hira hin tawag banda alas-12:30 han udto han Marso 22 kasumpay han insidente, kun diin dayun naman ini nga gin respondehan han mga kapulisan.
Basar han imbestigasyon, nagsarabot an tulo nga kabataan nga mangarigo ha nasabi nga salog, kun diin ginhigot han biktima an iya kaluringon hin nylon ugsa ini lumukso ha tubig, pero paghagos han pira kaminutos in waray na ini umutwal.
Panuyo unta han higot nga in kaso man dire hiya maka-utwal dayun in mabubutong hiya pero nadara an bug-os nga higot han iya paglukso, rason nga waray liwat sumabot an mga kaupod hini.
Nagdumara naman hin search and rescue operation an mga otoridad ha lugar han insidente pero waray ini dayun kabilngi.
Paghagos han pira minutos in natad-an ini ngan gindara pa ha hospital pero gindeklara ini nga dead-on-arrival han attending physician.
