-- Advertisements --
INTERNATIONAL NEWS– Utro nga nagdumara hin airstrike an US ha 3 nga sakayan pandagat nga gin-aaligar nga nagdadara hin iligal nga droga ha eastern Pacific ngan Caribbean.
Subay ha US Southern Command nga ha nasabi nga operasyon namatay an 11 katawo nga sakay han nasabi nga barko.
Mababaruan nga mayda hira nakuha nga impormasyon nga an mga ine in may karga nga iligal nga droga.
Samtang, waray naman miyembro han US military an nasamaran.
Manunumduman, tikang han Setyembre han nakalabay nga tuig, gintikangan an airstrike kun diin umabot ine hin 135 katawo an namatay.
Gindig-unan naman ni US President Donald Trump nga an mga sakayan pandagat nga ginpapadalagan han mga cartels in kaparehos nga barko nga nagdadara hin iligal nga droga ha US.
