TACLOBAN CITY- Guinpahayag han pamunuan han Police Regional Office nga may 11 nga indibidwal an bumakwit ha Calbayog City ha Samar nga nagtikang ha Marawi City.
Sumala kan Police Chief Inspector Ma. Bella Rentuaya, tagapagyakan han PRO 8 nga namonitor nira an mao nga impormasyon kanina han aga.
An mao nga mga evacuees an guinsisiring nga kaparyente han usa nga kagawad ha usa nga barangay ha Calbayog.
Mababaruan nga mahtiungod han engkwentro ha Marawi City ha butnga ha tropa han gobyerno ngan han Maute group in damo nga pamilya an apektado ngan nanbalhin ha magkadirudidlain nga probinsya.
Samtang, guinsiguro naman han mga kapulisan nga diri basta basta makakalusot an bisan hin-o nga terorista ha Sinirangan Bisayas mahitungod han doble nga seguridad ngan intelligence monitoring nga guinbubuhat han mga ini ha pagkayana.
