TACLOBAN CITY – Igpapatuman na ha masunod nga bulan an 100% nga pag-implementar han face-to-face classes han DepEd.
Sumala kan Dr. Nilo Eder, Information Officer han Department of Education (DepEd) City Division, tinikangan hiton masunod nga bulan, Nobyembre, in titikangan na an pag-implementar han 100% face-to-face classes tinikangan ha Kinder ngada hiton Grade-12 ha mga public schools.
Dire na magkakamay-ada han gintatawag nga blended learning.
Dida pala han bulan han Agosto in may-ada na tulo han 60 nga mga iskuylahan an nagpatuman han full face-to-face class, samtang dida naman han pagsulod na han bulan han Oktubre in umabot na ine ha 15 nga mga iskuylahan.
Dida hiton maabot nga Nobyembre in ginlalauman nga mabalik na ngatanan nga pampubliko nga iskuylahan ha 100% face-to-face class, samtang an mga pribado nga iskuylahan naman in tatagan pa hin lugar nga makag-ugsod han ira blended learning.
