NATIONAL – Iginkokonsidera han Philippine Ports Authority an paghihimo hin master plans para ha pagtitindog hin 10 nga seaport terminals ha nasud ha bulan hiton Agosto.
Ine in kadungan na gihapon han panuyo han gobyerno nga mas mapaunhan pa an cargo movement ngan mga aktibidad han turismo.
Subay han PPA, usa nga bidder an nagpahayag hin intensyon nga kumuha hin P32.29 million nga consultancy services contract para ha paghihimo hin feasibility studies ngan pagbug-os hin master plans sakop an magkaduru-dilain nga seaports.
An mga terminals in ha Pasuquin, Ilocos Norte, Puerto Galera, Oriental Mindoro, Taytay, Palawan, Buenavista, Guimaras, San Carlos, Negros Occidental, Dumaguete, Negros Oriental, Lazi, Siquijor, Catbalogan, Samar, Zamboanga, Zamboanga del Sur, ngan Cagdianao, Dinagat Islands.
Nakatalaan nga mga magpasa an nasabi nga bidder hin kadugangan nga requirements para ha nasabi nga proposal.
Kun magkwalipika ine in ighahatag an nasabi nga kontrata ha Hulyo.
