ODD NEWS– Ada pala ha tiyan o sinapupunan han iya nanay hi Luca Yupanqui, han makapagrecord na hiya han iya album.
Kakaiba man pamation pero yana nga 1 year old na hi Luca, ipapabati na niya ha bug-os nga kalibutan an iya album nga may titulo nga “Sounds of the Unborn”.
Ginrecord an album han ikawalo nga bulan ni Luca ha tiyan han iya nanay. Naproduce an ten track album pinaagi han Biosonic MIDI technology.
Ha bulig han electrodes nga ginbutang ha tiyan han nanay ni Luca, narecord hini an vibration han fetus.
May kahalaba nga lima kaoras an mga narecord nga vibration ngan gingamitan ini hin synthesizers para maging music.
Sumala ha Sacred Bones Records, an company nga nagproduce han album, naisipan nira ini para batunon an pamakiana kun ano an musika kun magtitikang ini ha usa nga baby nga waray muwang ha kalibutan ngan impluwensya tikang ha iba nga tawo.
Nakakarawat naman hin damo nga pagdayaw tikang ha mga music enthusiats an mao nga ten track album.
