TACLOBAN CITY – Patay an usa nga estudyante samtang 9 naman samaran, mahuman matudol han usa nga pickup ha National Road han Brgy. Naparaan, Salcedo, Eastern Samar.
Ginkilala an dead-on-the-spot nga hi April Macajeto, 23-anyos nga residente han Brgy Bagtong, Salcedo Eastern Samar ngan usa nga estudyante han Salcedo Vocational Highschool.
Samtang samaran naman an siyam nga mga minor de-edad ngan hapagkyana in nagpapaupay na ospital.
Sumala kan PCpt. Julio Quilbio, OIC Chief of Police Salcedo Municipal Police Station, nga subay ha ira gindumara nga imbestigasyon nga biyahe pakadto ha Brgy. Malbog han nasabi nga lugar an pickup, han mahingaturog an driver samtang ine nagmamaneho han sarakyan, kun diin tigda nala ine nga binmalhin ha kaluyo nga lane han karsada rason nga aksidente hine ngan matudol an 10 nga mga estudyante.
Ginkilala naman an driver kan Manuel Waniwan, 61 anyos, nga residente han Brgy. 9, Guiuan, Eastern Samar.
Hapagkayana, kapot na han mga kapulisan an driver ngan maatubang ine ha kaso nga Reckless Imprudence Resulting in Homicide and Multiple Serious Physical Injuries.
