-- Advertisements --
INTERNATIONAL–Nahipatik an usa nga namatay ngan 3 nga samaran ha nahitabo nga mass shooting ha Chicago.
Sumala ha kapulisan, nga nahitabo an insidente alas 2:35 han agahon kun diin pasakay na ha ira kotse an mga biktima ha River North District.
Gindaop hira hin usa nga lalaki ngan kaluoy nga ginpanmusil.
Na-igo ha magkalain lain nga parte an lawas an 34 anyos nga biktima kun diin gindara ine ha ospital pero gindeklara nga dead on arrival.
Gindara na an mga nasamaran nga mga biktima ha ospital ngan padayon an pagpapaupay an mga ini.
Dayon naman nga umiskapo an suspek ugsa nga umabot an kapulisan kahuman han isidente.
Ha pagkayana, padayon pa an imbestigasyon han mga otoridad ha motibo han suspek.
